天地玄黄 宇宙洪荒
日月盈昃 辰宿列张
寒来暑往 秋收冬藏
闰馀成岁 律吕调阳
云腾致雨 露结为霜
金生丽水 玉出昆冈
剑号巨阙 珠称夜光
果珍李柰 菜重芥姜
海咸河淡 鳞潜羽翔
龙师火帝 鸟官人皇
始制文字 乃服衣裳
推位让国 有虞陶唐
吊民伐罪 周发商汤
坐朝问道 垂拱平章
爱育黎首 臣伏戎羌
遐迩壹体 率宾归王
鸣凤在树 白驹食场
化被草木 赖及万方
盖此身发 四大五常
恭惟鞠养 岂敢毁伤
女慕贞烈 男效才良
知过必改 得能莫忘
罔谈彼短 靡恃己长
信使可复 器欲难量
墨悲丝染 诗讃羔羊
景行维贤 克念作圣
德建名立 形端表正
空谷传声 虚堂习听
祸因恶积 福缘善庆
尺璧非宝 寸阴是竞
资父事君 曰严与敬
孝当竭力 忠则尽命
临深履薄 夙兴温凊
似兰斯馨 如松之盛
川流不息 渊澄取映
容止若思 言辞安定
笃初诚美 慎终宜令
荣业所基 籍甚无竟
学优登仕 摄职从政
存以甘棠 去而益咏
乐殊贵贱 礼别尊卑
上和下睦 夫唱妇随
外受傅训 入奉母仪
诸姑伯叔 犹子比儿
孔怀兄弟 同气连枝
交友投分 切磨箴规
仁慈隐恻 造次弗离
节义廉退 颠沛匪亏
性静情逸 心动神疲
守真志满 逐物意移
坚持雅操 好爵自縻
都邑华夏 东西二京
背邙面洛 浮渭据泾
宫殿盘郁 楼观飞惊
图写禽兽 画彩仙灵
丙舍傍启 甲帐对楹
肆筵设席 鼓瑟吹笙
陞阶纳陛 弁转疑星
右通广内 左达承明
既集坟典 亦聚群英
杜稿锺隶 漆书壁经
府罗将相 路侠槐卿
户封八县 家给千兵
高冠陪辇 驱毂振缨
世禄侈富 车驾肥轻
策功茂实 勒碑刻铭
磻溪伊尹 佐时阿衡
奄宅曲阜 微旦孰营
桓公匡合 济弱扶倾
绮回汉惠 说感武丁
俊乂密勿 多士寔宁
晋楚更霸 赵魏困横
假途灭虢 践土会盟
何遵约法 韩弊烦刑
起翦颇牧 用军最精
宣威沙漠 驰誉丹青
九州禹迹 百郡秦并
岳宗恒岱 禅主云亭
雁门紫塞 鸡田赤城
昆池碣石 钜野洞庭
旷远绵邈 岩岫杳冥
治本于农 务兹稼穑
俶载南亩 我艺黍稷
税熟贡新 劝赏黜陟
孟轲敦素 史鱼秉直
庶几中庸 劳谦谨敕
聆音察理 鉴貌辨色
贻厥嘉猷 勉其祗植
省躬讥诫 宠增抗极
殆辱近耻 林皋幸即
两疏见机 解组谁逼
索居闲处 沉默寂寥
求古寻论 散虑逍遥
欣奏累遣 戚谢欢招
渠荷的历 园莽抽条
枇杷晚翠 梧桐早凋
陈根委翳 落叶飘飖
游鹍独运 凌摩绛霄
耽读玩市 寓目囊箱
易𬨎攸畏 属耳垣墙
具膳湌饭 适口充肠
饱饫烹宰 饥厌糟糠
亲戚故旧 老少异粮
妾御绩纺 侍巾帷房
纨扇圆絜 银烛炜煌
昼眠夕寐 蓝笋象床
弦歌酒䜩 接杯举觞
矫手顿足 悦豫且康
嫡后嗣续 祭祀烝尝
稽颡再拜 悚惧恐惶
笺牒简要 顾答审详
骸垢想浴 执热愿凉
驴骡犊特 骇跃超骧
诛斩贼盗 捕获叛亡
布射辽丸 嵇琴阮啸
恬笔伦纸 钧巧任钓
释纷利俗 并皆佳妙
毛施淑姿 工颦妍笑
年矢每催 曦晖朗耀
璇玑悬斡 晦魄环照
指薪修祜 永绥吉劭
矩步引领 俯仰廊庙
束带矜庄 徘徊瞻眺
孤陋寡闻 愚蒙等诮
谓语助者 焉哉乎也
|
then diih ghuen ghuang, yox driuh ghung huang.
njit ngyat jeng crik, zjin siuh liet triang.
ghan lai sjox yangx, chiu sju tuung zang.
njynh jo zjeng syed, lyt liox deu jang.
yon dong triih yox, loh ket ye sriang.
kim srieng leh sjyix, ngyuk chjyt kuon kang.
kiamh ghauh giox khyat, cjyo chjing jah kuang.
kuax trin lix nad, chaih dryungh kraih kiang.
haix ghrem gha damh, lin ziem yox zsiang.
lyung srii huax teh, teux kuan njin ghuang.
sjix cjed myon zih, naix biuk qioi zjang.
thuai yih njangh kuok, iux ngyo dau dang.
teuh mjin byat zuaix, cju pyat sjang thang.
zuax drieu myonh daux, zjye kyungx bieng cjang.
qaih juk le sjux, zjin biuk njung khiang.
ghra njex qjit thex, sryt pjin kyoi yang.
mieng biungh zaix zjyoh, brak kyo zsjik driang.
hruah biex chaux muk, lad kip myanh pyang.
kad chiex sjin pyat, siih dad ngox zjang.
kyung jyi kiuk jangx, khioix kamx hyex sjang.
nriox moh trieng liet, nom ghrauh zai liang.
trie kuah pjit kaix, tok nong mak myang.
myangx dam piex tuanx, miex zjix kix driang.
sinh srix khax biuh, khiih jyuk nan liang.
mok pii si njemx, sji canh kau jang.
kiengx ghang jyi ghen, khok nemh cak sjengh.
tok kianh mjeng lip, gheng tuan pieux cjengh.
khung kuk dryen sjeng, hio dang zsip thengh.
ghuax qjin qak ciek, piuk jyen zjenx khiengh.
chjek pjek pyoi paux, chuonh qim zjex giengh.
cii byox zrih kyon, yat ngiam jox kiengh.
hrauh tang giet lik, triung cok zinx miengh.
lim sjim liix bak, siuk hing quon chiengh.
zsix lan sie heng, njo zsyung cji zjengh.
chjyen liu pyot sik, quen dring chyox qiengh.
jyung cjix njak si, ngian zsi qan dengh.
tuuk chrio zjeng miix, zjinh cjung ngie liengh.
yeng ngiap sriox ki, ziek zjimx myo kiengh.
ghruk qiu tong zrix, sjep cjik zyung cjengh.
zuon jix kam dang, khioh nji qjek yengh.
ngruk zjyo kyoih zienh, lex biet cuon pje.
zjangx ghua ghrax miuk, pyo chjangh biux zsye.
nguad zjux pyoh hyonh, njip byungx mux ngie.
cjo ko prak sjuk, ju cix pjiix nje.
khungx ghruai hyeng dex, dung khioih lien
cje. krau iux du byonh, chet mua cjim kjye.
njin zi qionx chrik, zaux chiih pyot lie.
cet ngieh liem thuaih, ten phad pyoix khye.
siengh ziengx zieng jit, sim dungx zsjin bie.
sjux cjin cjih muanx, driuk myot qih je.
ken dri ngrax chau, hauh ciak ziih mie.
to qip ghrua ghrax, tung se njiih kieng.
puaih myang mjenh lak, biu yoih kioh keng.
kiung denh buan qyot, lu kuanh pyoi kieng.
do siax gim sjuh, ghrueh chaix sien leng.
piengx sjah bangh khex, krap triangh tuaih jeng.
siih jen sjet zsiek, kox srit chjye srieng.
sjing krai nop bex, bienh tryenx ngi seng.
iux thung kuangx nuaih, cax dat zjing mieng.
kioih zip byon tenx, jek zyox gyon qieng.
dox kaux cjyung leh, chit sjo pek keng.
pyox la ciangh siangh, loh ghep ghruai khieng.
ghox pyung pret ghuenh, kra kip chen pieng.
kau kuan buai lienx, khyo kuk cjinh qjeng.
sjed luk chjex piuh, chja krah byoi khjeng.
chrek kung muh zsjit, lok pie khok meng.
buan khe qjii jynx, cah zji qa ghrang.
qiemx drak kyuk biux, myoi tanh zjuk jyeng.
ghuan kung khyang ghop, ceh njak byo khjyeng.
khiex ghuai hanh ghueh, jyet komx myox teng.
cynh ngiad mit myot, ta zrix zjik neng.
cinh chriox krang prah, drieux ngyoih khuonh ghruang.
krah do mjet kruak, zienx thox ghuad mieng.
gha cyn qiak pyap, ghan bjed byan gheng.
khix cienx phua miuk, jyungh kyon cuad cieng.
syen qyoi sra mak, drie joh tan cheng.
kiux cju yox ciek, prak gyonh zin pjeng.
ngruk cuung ghong daih, zjenh cjyox yon deng.
ngranh muon ciex saih, ke den chjek zjeng.
kuon drie giat zjek, giox jax dungh deng.
khuangh yanx mjen mruk, ngram zsiuh qeux meng.
drih pyonx qio nuung, myoh ci krah srik.
chjuk caih nom mux, ngax ngied sjox cik.
sjyed zjuk kungh sin, khyanh sjangx thryt trik.
mrangh kha tuon soh, srix ngio piengx drik.
sjoh kioi triung jyung, lau khem kionx thrik.
leng qim chret lix, kramh mrauh bienx srik.
ji kyat kra ju, mienx gi cjii zjik.
siengx kiung kioi kraih, thryungx cong khangh gik.
daix njyuk gionx thrix, lim kau ghrengx cik.
liangx srio kenh kioi, krex cox zjyi pik.
sak kio ghren chjox, drim mok zek leu.
giu kox zsim luon, sanh lioh sieu jeu.
hion cuh lyex khjenx, chek zsiah huan cjeu.
gio gha tek lek, yan mangx thriu deu.
bjii bra myanx chyih, ngo dung caux teu.
drin kon yex qeh, lak jep phjeu jeu.
ju kuon duk yonh, ling mua krungh sieu.
tom duk nguanh zjix, ngyoh miuk nang siang.
jeh ju ju qyoih, zjyuk njix yan ziang.
gyoh zjenh chan byanx, sjek khux chjung driang.
praux qioh phrang caix, kii qjemh cau khang.
chin chek koh giuh, laux sjeuh jih liang.
chiep ngioh cek phyangx, zjih kin yi byang.
ghuan sjenh yen ket, ngin cjyuk yoix ghuang.
triuh men zsiek mjiih, lam synx zsiangx zriang.
ghen ka ciux qenh, ciep puai kiox sjang.
kieux sjux tuonh cyuk, jyet joh chiax khang.
tek ghux zsih zsyuk, cied zsix cjing zjang.
khex sangx caih praih, syungx gyoh khyungx ghuang.
cen dep krenx qjeuh, koh top sjimx zsiang.
ghrai kux siangx jyuk, cjip njet ngyanh liang.
lio lua duk dok, ghraix jak thrieu siang.
tryo cremx zok dauh, boh ghruek buanh myang.
poh zsjah leu ghuan, ghe gim ngyanx seuh.
dem pit lyn ciex, kjyn khraux njim teuh.
sjek phyon liih zsyuk, bengx krai kre mjeuh.
mau sje zsjuk cii, kung bjin ngen sieuh.
nen sjiix muaix chuai, hie hyoi langx jeuh.
zsyen kioi ghuen quat, huaih phrak ghruan cjeuh.
cjiix sin siu ghox, yengx syi kjit zjeuh.
kyox boh jinx liengx, pyox ngiangx lang mieuh.
sjyuk tad king criang, buai ghuai cjem theuh.
ko luh kruax myon, ngyo mung tongx zieuh.
yoih ngiox zrioh cjax, qien cai gho jax.
|