天地玄黃 宇宙洪荒
日月盈昃 辰宿列張
寒來暑往 秋收冬藏
閏餘成歲 律呂調陽
雲騰致雨 露結爲霜
金生麗水 玉出崑岡
劍號巨闕 珠稱夜光
果珍李柰 菜重芥薑
海鹹河淡 鱗潛羽翔
龍師火帝 鳥官人皇
始制文字 乃服衣裳
推位讓國 有虞陶唐
弔民伐罪 周發商湯
坐朝問道 垂拱平章
愛育黎首 臣伏戎羌
遐邇壹體 率賓歸王
鳴鳳在樹 白駒食場
化被草木 賴及萬方
蓋此身髮 四大五常
恭惟鞠養 豈敢毀傷
女慕貞烈 男效才良
知過必改 得能莫忘
罔談彼短 靡恃己長
信使可復 器欲難量
墨悲絲染 詩讃羔羊
景行維賢 克念作聖
德建名立 形端表正
空谷傳聲 虛堂習聽
禍因惡積 福緣善慶
尺璧非寶 寸陰是競
資父事君 曰嚴與敬
孝當竭力 忠則盡命
臨深履薄 夙興溫凊
似蘭斯馨 如松之盛
川流不息 淵澄取映
容止若思 言辭安定
篤初誠美 慎終宜令
榮業所基 籍甚無竟
學優登仕 攝職從政
存以甘棠 去而益詠
樂殊貴賤 禮別尊卑
上和下睦 夫唱婦隨
外受傅訓 入奉母儀
諸姑伯叔 猶子比兒
孔懷兄弟 同氣連枝
交友投分 切磨箴規
仁慈隱惻 造次弗離
節義廉退 顛沛匪虧
性靜情逸 心動神疲
守真志滿 逐物意移
堅持雅操 好爵自縻
都邑華夏 東西二京
背邙面洛 浮渭據涇
宮殿盤鬱 樓觀飛驚
圖寫禽獸 畫綵仙靈
丙舍傍啟 甲帳對楹
肆筵設席 鼓瑟吹笙
陞階納陛 弁轉疑星
右通廣內 左達承明
既集墳典 亦聚群英
杜稿鍾隸 漆書壁經
府羅將相 路俠槐卿
戶封八縣 家給千兵
高冠陪輦 驅轂振纓
世祿侈富 車駕肥輕
策功茂實 勒碑刻銘
磻溪伊尹 佐時阿衡
奄宅曲阜 微旦孰營
桓公匡合 濟弱扶傾
綺迴漢惠 說感武丁
俊乂密勿 多士寔寧
晉楚更霸 趙魏困橫
假途滅虢 踐土會盟
何遵約法 韓弊煩刑
起翦頗牧 用軍最精
宣威沙漠 馳譽丹青
九州禹跡 百郡秦并
嶽宗恆岱 禪主云亭
雁門紫塞 雞田赤城
昆池碣石 鉅野洞庭
曠遠綿邈 巖岫杳冥
治本於農 務茲稼穡
俶載南畝 我藝黍稷
稅熟貢新 勸賞黜陟
孟軻敦素 史魚秉直
庶幾中庸 勞謙謹敕
聆音察理 鑑貌辨色
貽厥嘉猷 勉其祗植
省躬譏誡 寵增抗極
殆辱近恥 林皋幸即
兩疏見機 解組誰逼
索居閒處 沈默寂寥
求古尋論 散慮逍遙
欣奏累遣 慼謝歡招
渠荷的歷 園莽抽條
枇杷晚翠 梧桐早凋
陳根委翳 落葉飄颻
游鵾獨運 凌摩絳霄
耽讀翫市 寓目囊箱
易輶攸畏 屬耳垣牆
具膳湌飯 適口充腸
飽飫烹宰 飢厭糟糠
親戚故舊 老少異糧
妾御績紡 侍巾帷房
紈扇圓絜 銀燭煒煌
晝眠夕寐 藍筍象床
弦歌酒讌 接杯舉觴
矯手頓足 悅豫且康
嫡後嗣續 祭祀烝嘗
稽顙再拜 悚懼恐惶
牋牒簡要 顧答審詳
骸垢想浴 執熱願涼
驢騾犢特 駭躍超驤
誅斬賊盜 捕獲叛亡
布射遼丸 嵇琴阮嘯
恬筆倫紙 鈞巧任釣
釋紛利俗 並皆佳妙
毛施淑姿 工顰妍笑
年矢每催 曦暉朗耀
璇璣懸斡 晦魄環照
指薪修祜 永綏吉劭
矩步引領 俯仰廊廟
束帶矜莊 徘徊瞻眺
孤陋寡聞 愚蒙等誚
謂語助者 焉哉乎也
|
then diih ghuen ghuang, yox driuh ghung huang.
njit ngyat jeng crik, zjin siuh liet triang.
ghan lai sjox yangx, chiu sju tuung zang.
njynh jo zjeng syed, lyt liox deu jang.
yon dong triih yox, loh ket ye sriang.
kim srieng leh sjyix, ngyuk chjyt kuon kang.
kiamh ghauh giox khyat, cjyo chjing jah kuang.
kuax trin lix nad, chaih dryungh kraih kiang.
haix ghrem gha damh, lin ziem yox zsiang.
lyung srii huax teh, teux kuan njin ghuang.
sjix cjed myon zih, naix biuk qioi zjang.
thuai yih njangh kuok, iux ngyo dau dang.
teuh mjin byat zuaix, cju pyat sjang thang.
zuax drieu myonh daux, zjye kyungx bieng cjang.
qaih juk le sjux, zjin biuk njung khiang.
ghra njex qjit thex, sryt pjin kyoi yang.
mieng biungh zaix zjyoh, brak kyo zsjik driang.
hruah biex chaux muk, lad kip myanh pyang.
kad chiex sjin pyat, siih dad ngox zjang.
kyung jyi kiuk jangx, khioix kamx hyex sjang.
nriox moh trieng liet, nom ghrauh zai liang.
trie kuah pjit kaix, tok nong mak myang.
myangx dam piex tuanx, miex zjix kix driang.
sinh srix khax biuh, khiih jyuk nan liang.
mok pii si njemx, sji canh kau jang.
kiengx ghang jyi ghen, khok nemh cak sjengh.
tok kianh mjeng lip, gheng tuan pieux cjengh.
khung kuk dryen sjeng, hio dang zsip thengh.
ghuax qjin qak ciek, piuk jyen zjenx khiengh.
chjek pjek pyoi paux, chuonh qim zjex giengh.
cii byox zrih kyon, yat ngiam jox kiengh.
hrauh tang giet lik, triung cok zinx miengh.
lim sjim liix bak, siuk hing quon chiengh.
zsix lan sie heng, njo zsyung cji zjengh.
chjyen liu pyot sik, quen dring chyox qiengh.
jyung cjix njak si, ngian zsi qan dengh.
tuuk chrio zjeng miix, zjinh cjung ngie liengh.
yeng ngiap sriox ki, ziek zjimx myo kiengh.
ghruk qiu tong zrix, sjep cjik zyung cjengh.
zuon jix kam dang, khioh nji qjek yengh.
ngruk zjyo kyoih zienh, lex biet cuon pje.
zjangx ghua ghrax miuk, pyo chjangh biux zsye.
nguad zjux pyoh hyonh, njip byungx mux ngie.
cjo ko prak sjuk, ju cix pjiix nje.
khungx ghruai hyeng dex, dung khioih lien
cje. krau iux du byonh, chet mua cjim kjye.
njin zi qionx chrik, zaux chiih pyot lie.
cet ngieh liem thuaih, ten phad pyoix khye.
siengh ziengx zieng jit, sim dungx zsjin bie.
sjux cjin cjih muanx, driuk myot qih je.
ken dri ngrax chau, hauh ciak ziih mie.
to qip ghrua ghrax, tung se njiih kieng.
puaih myang mjenh lak, biu yoih kioh keng.
kiung denh buan qyot, lu kuanh pyoi kieng.
do siax gim sjuh, ghrueh chaix sien leng.
piengx sjah bangh khex, krap triangh tuaih jeng.
siih jen sjet zsiek, kox srit chjye srieng.
sjing krai nop bex, bienh tryenx ngi seng.
iux thung kuangx nuaih, cax dat zjing mieng.
kioih zip byon tenx, jek zyox gyon qieng.
dox kaux cjyung leh, chit sjo pek keng.
pyox la ciangh siangh, loh ghep ghruai khieng.
ghox pyung pret ghuenh, kra kip chen pieng.
kau kuan buai lienx, khyo kuk cjinh qjeng.
sjed luk chjex piuh, chja krah byoi khjeng.
chrek kung muh zsjit, lok pie khok meng.
buan khe qjii jynx, cah zji qa ghrang.
qiemx drak kyuk biux, myoi tanh zjuk jyeng.
ghuan kung khyang ghop, ceh njak byo khjyeng.
khiex ghuai hanh ghueh, jyet komx myox teng.
cynh ngiad mit myot, ta zrix zjik neng.
cinh chriox krang prah, drieux ngyoih khuonh ghruang.
krah do mjet kruak, zienx thox ghuad mieng.
gha cyn qiak pyap, ghan bjed byan gheng.
khix cienx phua miuk, jyungh kyon cuad cieng.
syen qyoi sra mak, drie joh tan cheng.
kiux cju yox ciek, prak gyonh zin pjeng.
ngruk cuung ghong daih, zjenh cjyox yon deng.
ngranh muon ciex saih, ke den chjek zjeng.
kuon drie giat zjek, giox jax dungh deng.
khuangh yanx mjen mruk, ngram zsiuh qeux meng.
drih pyonx qio nuung, myoh ci krah srik.
chjuk caih nom mux, ngax ngied sjox cik.
sjyed zjuk kungh sin, khyanh sjangx thryt trik.
mrangh kha tuon soh, srix ngio piengx drik.
sjoh kioi triung jyung, lau khem kionx thrik.
leng qim chret lix, kramh mrauh bienx srik.
ji kyat kra ju, mienx gi cjii zjik.
siengx kiung kioi kraih, thryungx cong khangh gik.
daix njyuk gionx thrix, lim kau ghrengx cik.
liangx srio kenh kioi, krex cox zjyi pik.
sak kio ghren chjox, drim mok zek leu.
giu kox zsim luon, sanh lioh sieu jeu.
hion cuh lyex khjenx, chek zsiah huan cjeu.
gio gha tek lek, yan mangx thriu deu.
bjii bra myanx chyih, ngo dung caux teu.
drin kon yex qeh, lak jep phjeu jeu.
ju kuon duk yonh, ling mua krungh sieu.
tom duk nguanh zjix, ngyoh miuk nang siang.
jeh ju ju qyoih, zjyuk njix yan ziang.
gyoh zjenh chan byanx, sjek khux chjung driang.
praux qioh phrang caix, kii qjemh cau khang.
chin chek koh giuh, laux sjeuh jih liang.
chiep ngioh cek phyangx, zjih kin yi byang.
ghuan sjenh yen ket, ngin cjyuk yoix ghuang.
triuh men zsiek mjiih, lam synx zsiangx zriang.
ghen ka ciux qenh, ciep puai kiox sjang.
kieux sjux tuonh cyuk, jyet joh chiax khang.
tek ghux zsih zsyuk, cied zsix cjing zjang.
khex sangx caih praih, syungx gyoh khyungx ghuang.
cen dep krenx qjeuh, koh top sjimx zsiang.
ghrai kux siangx jyuk, cjip njet ngyanh liang.
lio lua duk dok, ghraix jak thrieu siang.
tryo cremx zok dauh, boh ghruek buanh myang.
poh zsjah leu ghuan, ghe gim ngyanx seuh.
dem pit lyn ciex, kjyn khraux njim teuh.
sjek phyon liih zsyuk, bengx krai kre mjeuh.
mau sje zsjuk cii, kung bjin ngen sieuh.
nen sjiix muaix chuai, hie hyoi langx jeuh.
zsyen kioi ghuen quat, huaih phrak ghruan cjeuh.
cjiix sin siu ghox, yengx syi kjit zjeuh.
kyox boh jinx liengx, pyox ngiangx lang mieuh.
sjyuk tad king criang, buai ghuai cjem theuh.
ko luh kruax myon, ngyo mung tongx zieuh.
yoih ngiox zrioh cjax, qien cai gho jax.
|